Follow us

19/11/2026 12:28 AM

Search
Close this search box.
Home » News In Punjabi » ਕਾਰੋਬਾਰ » ਚੰਡੀਗੜ੍ਹ ਹਵਾਈ ਅੱਡਾ ਸਿਰਫ ਨਾਮ ਦਾ ਹੀ ਹੈ ਅੰਤਰਰਾਸ਼ਟਰੀ: ਬਾਂਸਲ

ਚੰਡੀਗੜ੍ਹ ਹਵਾਈ ਅੱਡਾ ਸਿਰਫ ਨਾਮ ਦਾ ਹੀ ਹੈ ਅੰਤਰਰਾਸ਼ਟਰੀ:  ਬਾਂਸਲ

ਫਲਾਇੰਗ ਅਕੈਡਮੀ ਕਾਂਗਰਸ ਵੱਲੋਂ ਬਣਾਈ ਜਾਣੀ ਸੀ ਪਰ ਭਾਜਪਾ ਨੇ ਇਸ ਯੋਜਨਾ ਨੂੰ ਅੱਗੇ ਨਹੀਂ ਤੋਰਿਆ :ਬਾਂਸਲ

ਚੰਡੀਗੜ੍ਹ: ਸ਼ਹਿਰ ਦੇ ਸਾਬਕਾ ਸੰਸਦ ਮੈਂਬਰ ਅਤੇ ਸੀਨੀਅਰ ਕਾਂਗਰਸੀ ਆਗੂ ਪਵਨ ਕੁਮਾਰ ਬਾਂਸਲ ਨੇ ਸ਼ਹੀਦ ਭਗਤ ਸਿੰਘ ਹਵਾਈ ਅੱਡੇ ਤੋਂ ਸ਼ਾਰਜਾਹ ਲਈ ਉਡਾਣਾਂ ਮੁੜ ਸ਼ੁਰੂ ਕਰਨ ਨੂੰ ਭਾਜਪਾ ਦਾ ਚੋਣ ਨਾਅਰਾ ਕਰਾਰ ਦਿੰਦਿਆਂ ਕਿਹਾ ਕਿ ਸਿਰਫ਼ ਦੁਬਈ ਅਤੇ ਹੁਣ ਸ਼ਾਰਜਾਹ ਲਈ ਉਡਾਣਾਂ ਸ਼ੁਰੂ ਕਰਕੇ ਭਾਜਪਾ ਹਵਾਈ ਅੱਡੇ ਨੂੰ ਹਵਾਈ ਅੱਡਾ ਸਾਬਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ, ਪਰ ਹਵਾਈ ਅੱਡੇ ਨੂੰ ਲੈ ਕੇ ਭਾਜਪਾ ਦੀਆਂ ਕਈ ਅਸਫਲਤਾਵਾਂ ਹਨ, ਜਿਨ੍ਹਾਂ ਬਾਰੇ ਲੋਕ ਜਾਣੂ ਹਨ।

ਪਵਨ ਬਾਂਸਲ ਨੇ ਦੱਸਿਆ ਕਿ ਜਦੋਂ ਨਵਾਂ ਹਵਾਈ ਅੱਡਾ ਬਣਾਇਆ ਗਿਆ ਸੀ ਤਾਂ ਇਹ ਸਹਿਮਤੀ ਬਣੀ ਸੀ ਕਿ ਜਾਂ ਤਾਂ ਪੁਰਾਣੇ ਹਵਾਈ ਅੱਡੇ ਨੂੰ ਫਲਾਇੰਗ ਅਕੈਡਮੀ ਵਜੋਂ ਵਰਤਿਆ ਜਾਵੇਗਾ ਜਾਂ ਦੋ ਹਵਾਈ ਅੱਡੇ ਬਣਾਏ ਜਾਣਗੇ। ਪੁਰਾਣੇ ਹਵਾਈ ਅੱਡੇ ਨੂੰ ਘਰੇਲੂ ਅਤੇ ਨਵੇਂ ਨੂੰ ਅੰਤਰਰਾਸ਼ਟਰੀ ਹਵਾਈ ਅੱਡੇ ਵਜੋਂ ਵਰਤਿਆ ਜਾਵੇਗਾ, ਪਰ ਦੋਵਾਂ ਹਵਾਈ ਅੱਡਿਆਂ ਨੂੰ ਚਲਾਉਣ ਦੀ ਲਾਗਤ ਜ਼ਿਆਦਾ ਹੋਣ ਦੇ ਬਹਾਨੇ ਭਾਜਪਾ ਨੇ ਚੰਡੀਗੜ੍ਹ ਹਵਾਈ ਅੱਡੇ ਨੂੰ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤਾ, ਜਿਸ ਕਾਰਨ ਇੱਥੇ 80 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੀ ਇਮਾਰਤ ਅਤੇ ਹੋਰ ਸਾਰਾ ਢਾਂਚਾ ਬਰਬਾਦ ਹੋ ਗਿਆ।

ਬਾਂਸਲ ਨੇ ਕਿਹਾ ਕਿ ਕਾਂਗਰਸ ਮੁੜ ਸੱਤਾ ਵਿਚ ਆਉਣ ‘ਤੇ ਭਾਜਪਾ ਦੀ ਇਸ ਗਲਤੀ ਨੂੰ ਸੁਧਾਰੇਗੀ ਅਤੇ ਪੁਰਾਣੇ ਹਵਾਈ ਅੱਡੇ ‘ਤੇ ਫਲਾਇੰਗ ਅਕੈਡਮੀ ਖੋਲ੍ਹੇਗੀ, ਜਿਸ ਨਾਲ ਚੰਡੀਗੜ੍ਹ ਦੇ ਨੌਜਵਾਨਾਂ ਨੂੰ ਪਾਇਲਟ ਬਣਨ ਦਾ ਸੁਨਹਿਰੀ ਮੌਕਾ ਮਿਲੇਗਾ। ਅਤੇ ਇਸ ਤੋਂ ਇਲਾਵਾ ਚੰਡੀਗੜ੍ਹ ਨੂੰ ਹੋਰ ਅੰਤਰਰਾਸ਼ਟਰੀ ਉਡਾਣਾਂ ਨਾਲ ਜੋੜ ਕੇ ਇਸ ਨੂੰ ਅਸਲੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਦਰਜਾ ਦਿੱਤਾ ਜਾਵੇਗਾ।

dawnpunjab
Author: dawnpunjab

Leave a Comment

RELATED LATEST NEWS

Top Headlines

ਬਾਪੂ ਧਾਮ ਕਲੋਨੀ ਦੇ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣਨ ਪਹੁੰਚੇ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ, 62 ਸ਼ਿਕਾਇਤਾਂ ’ਤੇ ਸੁਣਵਾਈ

ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ ਨੇ ਬਾਪੂ ਧਾਮ ਕਲੋਨੀ ਵਿੱਚ ਸਮਾਧਾਨ ਸ਼ਿਵਿਰ ਦੌਰਾਨ 62 ਸ਼ਿਕਾਇਤਾਂ ਸੁਣੀਆਂ। ਅਧਿਕਾਰੀਆਂ ਨੂੰ ਸਮਾਂਬੱਧ ਹੱਲ ਦੇਣ ਦੇ ਨਿਰਦੇਸ਼।

Live Cricket

Rashifal