“ਹੁਣੇ ਕਦਮ ਚੁੱਕੋ, ਨਹੀਂ ਤਾਂ ਗਰਮੀਆਂ ਵਿੱਚ ਪਾਣੀ ਦਾ ਭਿਆਨਕ ਸੰਕਟ” : ਡਿਪਟੀ ਮੇਅਰ ਕੁਲਜੀਤ ਸਿੰਘ ਬੇਦੀ ਨੇ GMADA ਨੂੰ ਨਹਿਰੀ ਪਾਣੀ (canal water) ਦੀ ਸਪਲਾਈ ਯਕੀਨੀ ਬਣਾਉਣ ਲਈ ਕੀਤੀ ਅਪੀਲ
Mohali ਮੋਹਾਲੀ, 22 ਸਤੰਬਰ
Water cricis in Mohali : ਮੋਹਾਲੀ ਦੇ ਡਿਪਟੀ ਮੇਅਰ ਕੁਲਜੀਤ ਸਿੰਘ ਬੇਦੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇ ਤੁਰੰਤ ਕਾਰਵਾਈ ਨਾ ਹੋਈ ਤਾਂ ਆਉਣ ਵਾਲੀਆਂ ਗਰਮੀਆਂ ਵਿੱਚ ਭਿਆਨਕ ਪਾਣੀ ਕੱਲ੍ਹ ਦਾ ਖਤਰਾ ਬਣ ਸਕਦਾ ਹੈ। ਬੇਦੀ ਨੇ GMADA ਦੇ ਮੁੱਖ ਪ੍ਰਸ਼ਾਸਕ ਨੂੰ ਚਿੱਠੀ ਲਿਖ ਕੇ ਮੋਹਾਲੀ ਦੇ ਵੱਡੇ ਸੈਕਟਰਾਂ, ਮੇਗਾ ਪ੍ਰਾਜੈਕਟਾਂ ਅਤੇ ਨੇੜਲੇ ਪਿੰਡਾਂ ਲਈ ਨਹਿਰੀ ਪਾਣੀ (canal water) ਸਪਲਾਈ ਦਾ ਪੱਕਾ ਇੰਤਜ਼ਾਮ ਕਰਨ ਦੀ ਮੰਗ ਕੀਤੀ ਹੈ।
ਬੇਦੀ ਨੇ ਦਰਸਾਇਆ ਕਿ TDI, ਐਰੋਸਿਟੀ, ਆਈ.ਟੀ. ਸਿਟੀ, ਸੈਕਟਰ 90-91, ਸੈਕਟਰ 82 ਸਮੇਤ ਕਈ GMADA ਵੱਲੋਂ ਮਨਜ਼ੂਰ ਪ੍ਰਾਈਵੇਟ ਪ੍ਰਾਜੈਕਟ ਅਜੇ ਤੱਕ ਕੈਨਾਲ ਪਾਣੀ ਤੋਂ ਵਾਂਝੇ ਹਨ। ਇਥੇ ਹੀ ਨਹੀਂ, ਸੋਹਣਾ, ਬਲੌਂਗੀ, ਬਰ ਮਾਜਰਾ, ਮੌਲੀ ਤੇ ਲੱਖਨੌਰ ਵਰਗੇ ਪਿੰਡ ਵੀ ਅਜੇ ਇਸ ਮੁਢਲੀ ਸਹੂਲਤ ਤੋਂ ਮਹਰੂਮ ਹਨ।“ਕਾਜੌਲੀ ਵਿੱਚ ਮੌਜੂਦ ਕੁਦਰਤੀ ਸਰੋਤਾਂ ਨੂੰ ਯੋਜਨਾਬੱਧ ਤਰੀਕੇ ਨਾਲ ਵਰਤ ਕੇ ਇਨ੍ਹਾਂ ਇਲਾਕਿਆਂ ਨੂੰ ਕੈਨਾਲ ਪਾਣੀ ਮੁਹੱਈਆ ਕਰਵਾਇਆ ਜਾ ਸਕਦਾ ਹੈ,” ਬੇਦੀ ਨੇ ਕਿਹਾ। ਉਨ੍ਹਾਂ ਨੇ ਜ਼ੋਰ ਦਿੱਤਾ ਕਿ ਇਸ ਨਾਲ ਲੋਕਾਂ ਨੂੰ ਸਾਫ਼ ਤੇ ਗੁਣਵੱਤਾ ਵਾਲਾ ਪਾਣੀ ਮਿਲੇਗਾ ਅਤੇ ਅੰਡਰਗ੍ਰਾਊਂਡ ਪਾਣੀ ਦੇ ਬੇਤਰਤੀਬੀ ਨਾਲ ਖਿੱਚੇ ਜਾਣ ’ਤੇ ਰੋਕ ਲੱਗੇਗੀ।
ਬੇਦੀ ਨੇ ਯਾਦ ਦਿਵਾਇਆ ਕਿ ਇਹ ਸਾਰੇ ਪ੍ਰਾਜੈਕਟ ਮਨਜ਼ੂਰ ਕਰਦਿਆਂ GMADA ਨੇ ਪਾਣੀ ਸਬੰਧੀ ਫੀਸ ਵੀ ਵਸੂਲੀ ਸੀ, ਇਸ ਲਈ ਹੁਣ “GMADA ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਲੋਕਾਂ ਨੂੰ ਵਾਜਬ ਰੇਟਾਂ ‘ਤੇ ਕੈਨਾਲ ਪਾਣੀ ਸਪਲਾਈ ਕਰੇ।”
ਖਤਰੇ ਦੀ ਘੰਟੀ ਵਜਾਉਂਦੇ ਹੋਏ ਬੇਦੀ ਨੇ ਚੇਤਾਵਨੀ ਦਿੱਤੀ,“ਆਉਣ ਵਾਲੀਆਂ ਗਰਮੀਆਂ ਵਿੱਚ ਪਾਣੀ ਦੀ ਕਮੀ ਬਹੁਤ ਗੰਭੀਰ ਰੂਪ ਧਾਰਨ ਕਰ ਸਕਦੀ ਹੈ। GMADA ਨੂੰ ਤੁਰੰਤ ਪ੍ਰਾਜੈਕਟ ਦੀ ਸ਼ੁਰੂਆਤ ਕਰਨੀ ਚਾਹੀਦੀ ਹੈ ਤਾਂ ਕਿ ਮੋਹਾਲੀ ਅਤੇ ਨੇੜਲੇ ਪਿੰਡਾਂ ਦੇ ਵਸਨੀਕ ਪਾਣੀ ਲਈ ਤਰਸਣ ਨਾ ਪੈਣ।”
ਉਨ੍ਹਾਂ ਨੇ ਕਿਹਾ ਕਿ ਇਹ ਕਦਮ ਟਿਕਾਊ ਵਿਕਾਸ ਤੇ ਭਵਿੱਖੀ ਪੀੜ੍ਹੀਆਂ ਦੀ ਭਲਾਈ ਲਈ ਬੇਹੱਦ ਲਾਜ਼ਮੀ ਹੈ।
