Punjab-police-four-ips-officers-promoted-special-dgp
ਪ੍ਰਮੋਦ ਬਾਨ ਨੂੰ AGTF, ਅਮਿਤ ਪ੍ਰਸਾਦ ਨੂੰ ਕਾਊਂਟਰ ਇੰਟੈਲੀਜੈਂਸ ਦੀ ਜ਼ਿੰਮੇਵਾਰੀ; ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅਧਿਕਾਰੀਆਂ ਨੂੰ ਦਿੱਤੀਆਂ ਵਧਾਈਆਂ
ਚੰਡੀਗੜ੍ਹ, 8 ਨਵੰਬਰ (Dawn Punjab): ਪੰਜਾਬ ਸਰਕਾਰ ਨੇ ਪੁਲਿਸ ਪ੍ਰਸ਼ਾਸਨ ਵਿੱਚ ਵੱਡਾ ਫੇਰਬਦਲ ਕਰਦਿਆਂ 1995 ਬੈਚ ਦੇ ਚਾਰ ਸੀਨੀਅਰ IPS ਅਧਿਕਾਰੀਆਂ ਨੂੰ ਤਰੱਕੀ ਦੇ ਕੇ ਸਪੈਸ਼ਲ ਡਾਇਰੈਕਟਰ ਜਨਰਲ ਆਫ ਪੁਲਿਸ (Special DGP) ਬਣਾਇਆ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਅਧਿਕਾਰੀਆਂ ਨੂੰ ਅਹਿਮ ਵਿਭਾਗਾਂ ਦੀ ਜ਼ਿੰਮੇਵਾਰੀ ਵੀ ਸੌਂਪੀ ਗਈ ਹੈ।
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਨਵੇਂ ਸਪੈਸ਼ਲ DGP ਬਣੇ ਅਧਿਕਾਰੀਆਂ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਨੂੰ ਤਰੱਕੀ ਅਤੇ ਨਵੀਆਂ ਜ਼ਿੰਮੇਵਾਰੀਆਂ ਲਈ ਵਧਾਈ ਦਿੱਤੀ।
ਗ੍ਰਹਿ ਮਾਮਲੇ ਅਤੇ ਨਿਆਂ ਵਿਭਾਗ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਪ੍ਰਮੋਦ ਬਾਨ ਨੂੰ ਸਪੈਸ਼ਲ DGP, ਐਂਟੀ ਗੈਂਗਸਟਰ ਟਾਸਕ ਫੋਰਸ (AGTF), ਪੰਜਾਬ ਨਿਯੁਕਤ ਕੀਤਾ ਗਿਆ ਹੈ। ਅਮਿਤ ਪ੍ਰਸਾਦ ਨੂੰ ਸਪੈਸ਼ਲ DGP, ਕਾਊਂਟਰ ਇੰਟੈਲੀਜੈਂਸ, ਪੰਜਾਬ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।
ਇਸੇ ਤਰ੍ਹਾਂ ਐਮ.ਐਫ. ਫਾਰੂਕੀ ਨੂੰ ਸਪੈਸ਼ਲ DGP, ਸਟੇਟ ਆਰਮਡ ਪੁਲਿਸ (SAP), ਜਲੰਧਰ ਕੈਂਟ ਅਤੇ ਬੀ. ਨਾਗੇਸ਼ਵਰ ਰਾਓ ਨੂੰ ਸਪੈਸ਼ਲ DGP, ਪ੍ਰੋਵੀਜ਼ਨਿੰਗ ਅਤੇ ਮਾਡਰਨਾਈਜ਼ੇਸ਼ਨ, ਪੰਜਾਬ ਲਗਾਇਆ ਗਿਆ ਹੈ।
ਇਨ੍ਹਾਂ ਤੋਂ ਇਲਾਵਾ 1995 ਬੈਚ ਦੇ IPS ਅਧਿਕਾਰੀ ਕਪਿਲ ਦੇਵ, ਜੋ ਇਸ ਸਮੇਂ ਕੇਂਦਰੀ ਡੈਪੂਟੇਸ਼ਨ ‘ਤੇ ਹਨ, ਨੂੰ ਵੀ ਪ੍ਰੋਫਾਰਮਾ ਤਰੱਕੀ ਦਿੱਤੀ ਗਈ ਹੈ।
ਮੁੱਖ ਮੰਤਰੀ ਨਾਲ ਮੁਲਾਕਾਤ ਦੀ ਸਾਹਮਣੇ ਆਈ ਤਸਵੀਰ ਵਿੱਚ ਖੱਬੇ ਤੋਂ ਸਪੈਸ਼ਲ DGP AGTF ਪ੍ਰਮੋਦ ਬਾਨ, DGP ਗੌਰਵ ਯਾਦਵ, ਮੁੱਖ ਮੰਤਰੀ ਭਗਵੰਤ ਮਾਨ, ਸਪੈਸ਼ਲ DGP ਐਮ.ਐਫ. ਫਾਰੂਕੀ, ਮੁੱਖ ਸਕੱਤਰ ਕੇ.ਏ.ਪੀ. ਸਿਨਹਾ, ਸਪੈਸ਼ਲ DGP ਅਮਿਤ ਪ੍ਰਸਾਦ ਅਤੇ ਸਪੈਸ਼ਲ DGP ਬੀ. ਨਾਗੇਸ਼ਵਰ ਰਾਓ ਦਿਖਾਈ ਦੇ ਰਹੇ ਹਨ।
