Follow us

17/11/2026 5:23 AM

Search
Close this search box.
Home » News In Punjabi » ਖੇਡ » ਕਰਾਟੇ ਚੈਂਪੀਅਨਸ਼ਿਪ ’ਚ ਜੀਆ ਸ਼ਰਮਾ ਬੈਂਸ ਨੇ ਜਿੱਤਿਆ ਸੋਨ ਤਗ਼ਮਾ, ਨੈਸ਼ਨਲ ਸਕੂਲ ਗੇਮਜ਼ ਲਈ ਚੰਡੀਗੜ੍ਹ ਦੀ ਟੀਮ ’ਚ ਚੋਣ

ਕਰਾਟੇ ਚੈਂਪੀਅਨਸ਼ਿਪ ’ਚ ਜੀਆ ਸ਼ਰਮਾ ਬੈਂਸ ਨੇ ਜਿੱਤਿਆ ਸੋਨ ਤਗ਼ਮਾ, ਨੈਸ਼ਨਲ ਸਕੂਲ ਗੇਮਜ਼ ਲਈ ਚੰਡੀਗੜ੍ਹ ਦੀ ਟੀਮ ’ਚ ਚੋਣ

ਕਰਾਟੇ ਚੈਂਪੀਅਨਸ਼ਿਪ ’ਚ ਜੀਆ ਸ਼ਰਮਾ ਬੈਂਸ ਨੇ ਜਿੱਤਿਆ ਸੋਨ ਤਗ਼ਮਾ, ਨੈਸ਼ਨਲ ਸਕੂਲ ਗੇਮਜ਼ ਲਈ ਚੰਡੀਗੜ੍ਹ ਦੀ ਟੀਮ ’ਚ ਚੋਣ

ਛੋਟੀ ਭੈਣ ਗਰਵਿਤਾ ਨੇ ਜਿੱਤਿਆ ਚਾਂਦੀ ਦਾ ਤਗ਼ਮਾ; ਬਲੈਕ ਈਗਲ ਕਰਾਟੇ ਅਕੈਡਮੀ ਦੇ ਖਿਡਾਰੀਆਂ ਨੇ 4 ਸੋਨੇ, 2 ਚਾਂਦੀ ਤੇ 1 ਕਾਂਸੀ ਦਾ ਤਗ਼ਮਾ ਜਿੱਤਿਆ

Jiya Sharma Bains Wins Gold in Chandigarh Karate Championship: ਚੰਡੀਗੜ੍ਹ ਦੀ ਉੱਭਰਦੀ ਕਰਾਟੇ ਖਿਡਾਰਨ ਜੀਆ ਸ਼ਰਮਾ ਬੈਂਸ ਨੇ ਸੂਬਾ ਪੱਧਰੀ ਕਰਾਟੇ ਚੈਂਪੀਅਨਸ਼ਿਪ ਵਿੱਚ ਸੋਨੇ ਦਾ ਤਗ਼ਮਾ ਜਿੱਤ ਕੇ ਸ਼ਹਿਰ ਦਾ ਨਾਂ ਰੌਸ਼ਨ ਕੀਤਾ ਹੈ। ਜੀਆ ਨੇ ਸਿੱਖਿਆ ਵਿਭਾਗ ਵੱਲੋਂ ਕਰਵਾਏ ਗਏ ਇੰਟਰ-ਸਕੂਲ ਸਟੇਟ ਕਰਾਟੇ ਟੂਰਨਾਮੈਂਟ 2026-27 ਦੇ ਅੰਡਰ-17 ਲੜਕੀਆਂ ਦੇ 52 ਕਿਲੋ ਤੋਂ ਘੱਟ ਭਾਰ ਵਰਗ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ।

ਇਸ ਸ਼ਾਨਦਾਰ ਪ੍ਰਦਰਸ਼ਨ ਦੇ ਆਧਾਰ ’ਤੇ ਜੀਆ ਦੀ ਚੋਣ ਦਸੰਬਰ 2026 ਵਿੱਚ ਮੱਧ ਪ੍ਰਦੇਸ਼ ਦੇ ਇੰਦੌਰ ਵਿਖੇ ਹੋਣ ਵਾਲੀਆਂ ਨੈਸ਼ਨਲ ਸਕੂਲ ਗੇਮਜ਼ 2026-27 ਲਈ ਚੰਡੀਗੜ੍ਹ ਦੀ ਨੁਮਾਇੰਦਗੀ ਕਰਨ ਵਾਸਤੇ ਹੋਈ ਹੈ।

ਜੀਆ ਦੀ ਛੋਟੀ ਭੈਣ ਗਰਵਿਤਾ ਸ਼ਰਮਾ ਬੈਂਸ ਨੇ ਵੀ ਮੁਕਾਬਲੇ ਵਿੱਚ ਆਪਣੀ ਖੇਡ ਦਾ ਜੌਹਰ ਦਿਖਾਉਂਦਿਆਂ ਅੰਡਰ-14 ਲੜਕੀਆਂ ਦੇ 50 ਕਿਲੋ ਤੋਂ ਵੱਧ ਭਾਰ ਵਰਗ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਦੋਵੇਂ ਭੈਣਾਂ ਮਾਊਂਟ ਕਾਰਮਲ ਸਕੂਲ ਦੀਆਂ ਵਿਦਿਆਰਥਣਾਂ ਹਨ ਅਤੇ ਬਲੈਕ ਈਗਲ ਕਰਾਟੇ ਅਕੈਡਮੀ, ਚੰਡੀਗੜ੍ਹ ਵਿਖੇ ਸਿਖਲਾਈ ਲੈ ਰਹੀਆਂ ਹਨ।

ਅਕੈਡਮੀ ਦੇ ਹੋਰਨਾਂ ਖਿਡਾਰੀਆਂ ਨੇ ਵੀ ਟੂਰਨਾਮੈਂਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਲੜਕੀਆਂ ਦੇ ਵਰਗ ਵਿੱਚ ਮੰਨਤ ਨੇ ਅੰਡਰ-14 (50 ਕਿਲੋ ਤੋਂ ਘੱਟ) ਵਿੱਚ ਸੋਨੇ ਦਾ ਤਗ਼ਮਾ ਜਿੱਤਿਆ। ਲੜਕਿਆਂ ਦੇ ਵਰਗ ਵਿੱਚ ਭਵਿਆ ਨੇ ਅੰਡਰ-17 (62 ਕਿਲੋ ਤੋਂ ਘੱਟ) ਅਤੇ ਦਕਸ਼ ਨੇ ਅੰਡਰ-14 (60 ਕਿਲੋ ਤੋਂ ਘੱਟ) ਵਿੱਚ ਸੋਨੇ ਦੇ ਤਗ਼ਮੇ ਆਪਣੇ ਨਾਂ ਕੀਤੇ।

ਭਵਿਆ ਦੀ ਚੋਣ ਵੀ ਇੰਦੌਰ ਵਿਖੇ ਹੋਣ ਵਾਲੀਆਂ ਨੈਸ਼ਨਲ ਸਕੂਲ ਗੇਮਜ਼ ਵਿੱਚ ਅੰਡਰ-17 ਵਰਗ ਤਹਿਤ ਚੰਡੀਗੜ੍ਹ ਦੀ ਨੁਮਾਇੰਦਗੀ ਲਈ ਹੋਈ ਹੈ।

ਅਕੈਡਮੀ ਦੇ ਖਿਡਾਰੀਆਂ ਨੇ ਕੁੱਲ 4 ਸੋਨੇ, 2 ਚਾਂਦੀ ਅਤੇ 1 ਕਾਂਸੀ ਸਮੇਤ 7 ਤਗ਼ਮੇ ਜਿੱਤ ਕੇ ਆਪਣੀ ਖੇਡ ਸਮਰੱਥਾ ਦਾ ਸਬੂਤ ਦਿੱਤਾ। ਅਕੈਡਮੀ ਵੱਲੋਂ ਸਾਰੇ ਤਗ਼ਮਾ ਜੇਤੂਆਂ ਨੂੰ ਵਧਾਈ ਦਿੱਤੀ ਗਈ ਅਤੇ ਕੌਮੀ ਪੱਧਰ ਦੇ ਮੁਕਾਬਲਿਆਂ ਲਈ ਚੁਣੇ ਗਏ ਖਿਡਾਰੀਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਗਈਆਂ।

dawnpunjab
Author: dawnpunjab

Leave a Comment

RELATED LATEST NEWS

Top Headlines

Live Cricket

Rashifal