ਛੇ ਦਿਨ ਚੱਲੇਗਾ ਟੂਰਨਾਮੈਂਟ, ਟਾਈ ਚੰਡੀਗੜ੍ਹ ਦੇ ਅਧਿਕਾਰੀਆਂ ਨੇ ਪ੍ਰੈੱਸ ਕਲੱਬ ਵਿੱਚ ਕੀਤਾ ਐਲਾਨ
TiE Chandigarh Cricket League 2026: ਉਦਮੀਆਂ ਅਤੇ ਕਾਰੋਬਾਰੀ ਖੇਤਰ ਨਾਲ ਜੁੜੇ ਪੇਸ਼ੇਵਰਾਂ ਨੂੰ ਕ੍ਰਿਕਟ ਦੇ ਮੈਦਾਨ ’ਤੇ ਇਕੱਠਾ ਕਰਨ ਲਈ ਟਾਈ (TiE) ਚੰਡੀਗੜ੍ਹ ਵੱਲੋਂ 7ਵੀਂ ਟਾਈ ਚੰਡੀਗੜ੍ਹ ਕ੍ਰਿਕਟ ਲੀਗ (TCCL) 2026 ਕਰਵਾਈ ਜਾ ਰਹੀ ਹੈ। ਟੂਰਨਾਮੈਂਟ 20, 21, 22 ਅਤੇ 27, 28 ਤੇ 29 ਨਵੰਬਰ ਨੂੰ ਮੋਹਾਲੀ ਦੀ ਲਾਂਚਿੰਗ ਪੈਡ ਕ੍ਰਿਕਟ ਅਕੈਡਮੀ ਵਿਖੇ ਖੇਡਿਆ ਜਾਵੇਗਾ। ਇਸ ਵਿੱਚ ਟਾਈ ਚੰਡੀਗੜ੍ਹ ਦੀਆਂ ਮੈਂਬਰ ਸੰਸਥਾਵਾਂ ਦੀਆਂ 16 ਟੀਮਾਂ ਹਿੱਸਾ ਲੈਣਗੀਆਂ।
ਇਸ ਸਬੰਧੀ ਐਲਾਨ ਚੰਡੀਗੜ੍ਹ ਪ੍ਰੈੱਸ ਕਲੱਬ ਵਿਖੇ ਕਰਵਾਈ ਪ੍ਰੈੱਸ ਕਾਨਫਰੰਸ ਦੌਰਾਨ ਕੀਤਾ ਗਿਆ। ਟੈਕ ਪ੍ਰਸ਼ਟਿਸ਼ ਵੱਲੋਂ ਪੇਸ਼ ਅਤੇ ਕਨਵਰਜ਼ਨ ਪਰਕ ਦੀ ਸਾਂਝੇਦਾਰੀ ਨਾਲ ਹੋਣ ਵਾਲੀ ਇਸ ਲੀਗ ਦਾ ਨਾਅਰਾ ‘ਬੋਰਡਰੂਮ ਤੋਂ ਬਾਊਂਡਰੀ ਤੱਕ’ ਰੱਖਿਆ ਗਿਆ ਹੈ। ਇਸ ਦੀ ਸ਼ੁਰੂਆਤ ਸਾਲ 2016 ਵਿੱਚ ਹੋਈ ਸੀ।
ਲੀਗ ਵਿੱਚ ਇਨੋਵੇਟਿਵ ਇਨਸੈਂਟਿਵਜ਼, ਟੈਕਪ੍ਰਸ਼ਟਿਸ਼, ਬੀਸਾਲਵਰ ਟੈਕਨਾਲੋਜੀ, ਟੈਲੇਂਟੇਲਜੀਆ, ਸਾਫਟਟ੍ਰਿਕਸ, ਸਿਗਨੀਸੈਂਟ, ਸਿਗਨਿਟੀ, ਕਨਵਰਜ਼ਨ ਪਰਕ, ਐਪਸਮਾਰਟਜ਼, ਯੂਨੀਫਾਈ ਗਰੁੱਪ, ਅਮੇਜ਼ ਕਾਨਫਰੰਸ, ਮਾਸਟਰ ਟਰੱਸਟ, ਆਈਡੀਐੱਸ ਇਨਫੋਟੈਕ, 42 ਵਰਕਸ, ਵੈੱਬਗੁਰੂਜ਼ ਟੈਕ ਅਤੇ ਸੀਐੱਸ ਸਾਫਟ ਸਲਿਊਸ਼ਨਜ਼ ਦੀਆਂ ਟੀਮਾਂ ਖੇਡਣਗੀਆਂ।
ਟਾਈ ਚੰਡੀਗੜ੍ਹ ਦੇ ਪ੍ਰਧਾਨ ਬ੍ਰਹਮ ਅਲਰੇਜਾ ਨੇ ਕਿਹਾ ਕਿ ਇਹ ਲੀਗ ਸਿਰਫ਼ ਕ੍ਰਿਕਟ ਮੁਕਾਬਲਾ ਨਹੀਂ, ਸਗੋਂ ਆਪਸੀ ਸਬੰਧ ਮਜ਼ਬੂਤ ਕਰਨ, ਟੀਮ ਭਾਵਨਾ ਅਤੇ ਉੱਦਮਸ਼ੀਲਤਾ ਨੂੰ ਉਤਸ਼ਾਹਿਤ ਕਰਨ ਦਾ ਮੰਚ ਹੈ। ਜੁਆਇੰਟ ਸਕੱਤਰ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਮੈਂਬਰਾਂ ਦਾ ਉਤਸ਼ਾਹ ਅਤੇ ਸ਼ਮੂਲੀਅਤ ਇਸ ਲੀਗ ਦੀ ਸਫ਼ਲਤਾ ਦਾ ਮੁੱਖ ਆਧਾਰ ਹਨ।
ਸਾਰੇ ਮੈਚ ਟਾਈ ਚੰਡੀਗੜ੍ਹ ਦੇ ਅਧਿਕਾਰਤ ਯੂਟਿਊਬ ਚੈਨਲ ’ਤੇ ਲਾਈਵ ਦਿਖਾਏ ਜਾਣਗੇ। ਲਾਈਵ ਸਕੋਰ ਅਤੇ ਸਕੋਰਕਾਰਡ ਕ੍ਰਿਕਹੀਰੋਜ਼ ਪਲੇਟਫਾਰਮ ’ਤੇ ਉਪਲਬਧ ਹੋਣਗੇ।
ਇਸ ਮੌਕੇ ਮੀਤ ਪ੍ਰਧਾਨ ਅਦਵੈਤ ਉਪਾਧਿਆਏ, ਜਨਰਲ ਸਕੱਤਰ ਸੁਮੇਧ ਸਚਦੇਵਾ ਅਤੇ ਖ਼ਜ਼ਾਨਚੀ ਸੁਮਿਤ ਸਿੰਘ ਵੀ ਮੌਜੂਦ ਸਨ। ਟੂਰਨਾਮੈਂਟ ਦੇ ਡੱਗਆਊਟ ਸਪਾਂਸਰ ਸਾਫਟ ਐਲੀਵੇਸ਼ਨ, ਬੋਹਰ ਅਸਟੇਟ, ਲੀਗਲ ਅੱਕੋ ਅਤੇ ਘੁੰਮਣ ਇਨਫਰਾ ਹਨ।
