ਚੰਡੀਗੜ੍ਹ ਦੀ ਤੇਜ਼ ਗੇਂਦਬਾਜ਼ ਨੂੰ ਟੈਸਟ ਅਤੇ ਵਨਡੇ ਟੀਮ ’ਚ ਮਿਲੀ ਜਗ੍ਹਾ, ਦਸੰਬਰ ’ਚ ਭਾਰਤੀ ਟੀਮ ਖੇਡੇਗੀ 7 ਕੌਮਾਂਤਰੀ ਮੈਚ
Nandini-sharma-indian-womens-cricket-team-south-africa-tour: ਚੰਡੀਗੜ੍ਹ ਦੀ ਤੇਜ਼ ਗੇਂਦਬਾਜ਼ ਨੰਦਿਨੀ ਸ਼ਰਮਾ ਨੇ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਵਿੱਚ ਜਗ੍ਹਾ ਬਣਾ ਕੇ ਇੱਕ ਹੋਰ ਵੱਡੀ ਪ੍ਰਾਪਤੀ ਹਾਸਲ ਕੀਤੀ ਹੈ। ਦਸੰਬਰ ਵਿੱਚ ਹੋਣ ਵਾਲੇ ਭਾਰਤ ਦੇ ਦੱਖਣੀ ਅਫਰੀਕਾ ਦੌਰੇ ਲਈ ਉਸ ਨੂੰ ਟੈਸਟ ਅਤੇ ਵਨਡੇ ਟੀਮ ਵਿੱਚ ਚੁਣਿਆ ਗਿਆ ਹੈ। ਇਸ ਦੌਰੇ ਦੌਰਾਨ ਭਾਰਤੀ ਟੀਮ ਇੱਕ ਟੈਸਟ, ਤਿੰਨ ਵਨਡੇ ਅਤੇ ਤਿੰਨ ਟੀ-20 ਕੌਮਾਂਤਰੀ ਮੈਚ ਖੇਡੇਗੀ।
ਦੌਰੇ ਦੀ ਸ਼ੁਰੂਆਤ 9 ਦਸੰਬਰ ਨੂੰ ਗਕੇਬਰਹਾ ਵਿਖੇ ਇੱਕੋ-ਇੱਕ ਟੈਸਟ ਮੈਚ ਨਾਲ ਹੋਵੇਗੀ। ਇਸ ਤੋਂ ਬਾਅਦ ਪਾਰਲ, ਕੇਪਟਾਊਨ ਅਤੇ ਬਲੋਮਫੋਂਟੇਨ ਵਿੱਚ ਤਿੰਨ ਵਨਡੇ ਮੈਚ ਖੇਡੇ ਜਾਣਗੇ। ਟੀ-20 ਲੜੀ ਦੇ ਮੁਕਾਬਲੇ ਬੇਨੋਨੀ ਅਤੇ ਪੋਚੇਫਸਟ੍ਰੂਮ ਵਿੱਚ ਹੋਣਗੇ।
ਜ਼ਿਕਰਯੋਗ ਹੈ ਕਿ ਨੰਦਿਨੀ ਸ਼ਰਮਾ ਇਸ ਸਾਲ ਵੀ ਚਰਚਾ ਵਿੱਚ ਆਈ ਸੀ, ਜਦੋਂ ਉਹ ਯੂਟੀ ਕ੍ਰਿਕਟ ਐਸੋਸੀਏਸ਼ਨ (UTCA) ਦੀ ਪਹਿਲੀ ਖਿਡਾਰਨ ਬਣੀ ਸੀ, ਜਿਸ ਨੂੰ ਇਤਿਹਾਸਕ ਲਾਰਡਜ਼ ਕ੍ਰਿਕਟ ਗਰਾਊਂਡ ਵਿੱਚ ਭਾਰਤੀ ਟੈਸਟ ਟੀਮ ਵਿੱਚ ਜਗ੍ਹਾ ਮਿਲੀ ਸੀ। ਹਾਲਾਂਕਿ, ਉਸ ਨੂੰ ਅਜੇ ਤੱਕ ਟੈਸਟ ਕ੍ਰਿਕਟ ਵਿੱਚ ਡੈਬਿਊ ਕਰਨ ਦਾ ਮੌਕਾ ਨਹੀਂ ਮਿਲਿਆ।
