PSPCL ਵੱਲੋਂ 5 ਡਿਵਿਜ਼ਨਾਂ ਵਿੱਚ ਵੱਡਾ ਬਕਾਇਆ ਵਸੂਲੀ ਅਭਿਆਨ, ₹1.29 ਕਰੋੜ ਦੀ ਵਸੂਲੀ; 1,014 ਕੁਨੈਕਸ਼ਨ ਕੱਟੇ
DPB, ਰੂਪਨਗਰ, 21 ਫਰਵਰੀ 2026:
Punjab State Power Corporation Limited (ਪੀਐਸਪੀਸੀਐਲ) ਵੱਲੋਂ ਮੁੱਖ ਇੰਜੀਨੀਅਰ ਸਾਊਥ ਜੋਨ ਇਰ. ਆਰ. ਕੇ. ਮਿੱਤਲ ਦੀ ਰਹਿਨੁਮਾਈ ਅਤੇ ਡਿਪਟੀ ਚੀਫ ਇੰਜੀਨੀਅਰ ਡੀਐਸ ਸਰਕਲ ਰੂਪਨਗਰ ਇਰ. ਮੋਹਿਤ ਸੂਦ ਦੀ ਨਿਗਰਾਨੀ ਹੇਠ ਖਰੜ, ਕੁਰਾਲੀ, ਸਮਰਾਲਾ, ਰੂਪਨਗਰ ਅਤੇ ਅਨੰਦਪੁਰ ਸਾਹਿਬ ਡਿਵਿਜ਼ਨਾਂ ਵਿੱਚ ਬਿਜਲੀ ਬਿੱਲਾਂ ਦੇ ਡਿਫਾਲਟਰਾਂ ਖ਼ਿਲਾਫ਼ ਵਿਸ਼ੇਸ਼ ਮੁਹਿੰਮ ਚਲਾਈ ਗਈ।
Also Read 👉 PSPCL ਵੱਲੋਂ ਮੋਹਾਲੀ ਨਗਰ ਨਿਗਮ ਨੂੰ ਸੈਸ ਦੀ ਬਕਾਇਆ ਰਕਮ ਨਾ ਦੇਣ ਦਾ ਮਾਮਲਾ
ਇਸ ਅਭਿਆਨ ਦੌਰਾਨ PSPCL ਦੇ 315 ਉਪਭੋਗਤਾਵਾਂ ਵੱਲੋਂ ₹1.29 ਕਰੋੜ ਦੀ ਬਕਾਇਆ ਰਕਮ ਜਮ੍ਹਾਂ ਕਰਵਾਈ ਗਈ, ਜਦਕਿ 1,014 ਡਿਫਾਲਟਰ ਉਪਭੋਗਤਾਵਾਂ ਦੇ ਕੁਨੈਕਸ਼ਨ ਕੱਟੇ ਗਏ, ਜਿਨ੍ਹਾਂ ਉੱਤੇ ਲਗਭਗ ₹3.7 ਕਰੋੜ ਬਕਾਇਆ ਸੀ।
ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਮੁਹਿੰਮ ਆਉਣ ਵਾਲੇ ਦਿਨਾਂ ਵਿੱਚ ਵੀ ਜਾਰੀ ਰਹੇਗੀ। ਉਪਭੋਗਤਾਵਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਆਪਣੇ ਬਕਾਇਆ ਬਿੱਲ ਤੁਰੰਤ ਅਦਾ ਕਰਨ, ਨਹੀਂ ਤਾਂ ਉਨ੍ਹਾਂ ਦੇ ਕੁਨੈਕਸ਼ਨ ਕੱਟ ਦਿੱਤੇ ਜਾਣਗੇ।
ਇਸ ਤੋਂ ਇਲਾਵਾ ਉਪਭੋਗਤਾਵਾਂ ਨੂੰ ਨਵਾਂ PSPCL Consumer App ਡਾਊਨਲੋਡ ਕਰਨ ਲਈ ਵੀ ਪ੍ਰੇਰਿਤ ਕੀਤਾ ਗਿਆ ਹੈ, ਜਿਸ ਰਾਹੀਂ ਬਿੱਲਾਂ ਦੀ ਆਨਲਾਈਨ ਅਦਾਇਗੀ ਸਮੇਤ ਕਈ ਸਹੂਲਤਾਂ ਹਾਸਲ ਕੀਤੀਆਂ ਜਾ ਸਕਦੀਆਂ ਹਨ।
ਅਧਿਕਾਰੀਆਂ ਮੁਤਾਬਕ ਪੀਐਸਪੀਸੀਐਲ ਆਉਣ ਵਾਲੇ ਧਾਨ ਅਤੇ ਗਰਮੀ ਦੇ ਸੀਜ਼ਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਡਿਸਟ੍ਰੀਬਿਊਸ਼ਨ ਟ੍ਰਾਂਸਫਾਰਮਰਾਂ ਦੀ ਮੁਰੰਮਤ ਅਤੇ ਅੱਪਗ੍ਰੇਡੇਸ਼ਨ ਦਾ ਕੰਮ ਮੁਕੰਮਲ ਕਰ ਲਿਆ ਗਿਆ ਹੈ ਤਾਂ ਜੋ ਉਪਭੋਗਤਾਵਾਂ ਨੂੰ ਭਰੋਸੇਯੋਗ ਅਤੇ ਬਿਨਾਂ ਰੁਕਾਵਟ ਬਿਜਲੀ ਸਪਲਾਈ ਯਕੀਨੀ ਬਣਾਈ ਜਾ ਸਕੇ।
