ਸੰਗੀਤ ਸਮਰਾਟ ਚਰਨਜੀਤ ਅਹੂਜਾ ਨਹੀਂ ਰਹੇ
Mohali : 21 ਸਤੰਬਰ 2025
Charanjit Ahuja no More: ਪੰਜਾਬ ਦੇ ਮਸ਼ਹੂਰ ਸੰਗੀਤਕਾਰ ਚਰਨਜੀਤ ਅਹੂਜਾ (74)ਦਾ ਅੰਤਿਮ ਸਾਂਸ ਮੋਹਾਲੀ ਵਿੱਚ ਆਪਣੇ ਘਰ ‘ਚ ਹੋਇਆ। ਉਹ ਪਿਛਲੇ ਕੁਝ ਸਾਲਾਂ ਤੋਂ ਕੈਂਸਰ ਦੀ ਬਿਮਾਰੀ ਨਾਲ ਜੂਝ ਰਹੇ ਸਨ ਅਤੇ ਉਨਾਂ ਦੀ ਮੌਤ ਨਾਲ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਇਕ ਅਮਿਤ ਘਾਟਾ ਪਹੁੰਚਿਆ ਹੈ। ਉਹ ਆਪਣੇ ਪਿੱਛੇ ਤਿੰਨ ਬੇਟੇ ਛੱਡ ਕੇ ਗਏ ਹਨ ਜੋ ਸੰਗੀਤ ਇੰਡਸਟਰੀ ਨਾਲ ਜੁੜੇ ਹੋਏ ਹਨ।
ਚਰਨਜੀਤ ਅਹੂਜਾ ਸਿਰਫ ਸੰਗੀਤਕ ਨਿਰਦੇਸ਼ਕ ਹੀ ਨਹੀਂ ਸਨ, ਉਹ ਇੱਕ ਮਾਹਿਰ ਮੈਨਟਰ ਵੀ ਸਨ। ਉਹਨਾਂ ਨੇ ਅਨੇਕਾਂ ਵੱਡੇ ਕਲਾਕਾਰਾਂ ਨੂੰ ਮਿਊਜ਼ਿਕ ਦਿੱਤੀ, ਜਿਨ੍ਹਾਂ ਵਿੱਚ ਅਮਰ ਸਿੰਘ ਚਮਕੀਲਾ, ਸਰਦੂਲ ਸਿਕੰਦਰ, ਗੁਰਦਾਸ ਮਾਨ, ਸੁਰਿੰਦਰ ਛਿੰਦਾ ਅਤੇ ਹੋਰ ਮਸ਼ਹੂਰ ਹਸਤੀਆਂ ਸ਼ਾਮਿਲ ਹਨ।
ਉਨਾਂ ਦੀ ਖਾਸ ਯੋਗਤਾ ਸਿਰਫ ਮਿਊਜ਼ਿਕ ਬਣਾਉਣ ਵਿੱਚ ਨਹੀਂ ਸੀ; ਉਹ ਨਵੇਂ ਟੈਲੇਂਟ ਨੂੰ ਖੋਜ ਕੇ ਉਸਨੂੰ ਸੰਵਾਰ ਕੇ ਵੱਡੇ ਮੰਚਾਂ ‘ਤੇ ਲਿਆਂਦੇ। “ਚਮਕੀਲਾ ਨੂੰ ਇੱਕ ਸਥਾਨਕ ਸਟੇਜ ਪ੍ਰਦਰਸ਼ਕ ਤੋਂ ਪੰਜਾਬ ਦੇ ਹਰ ਕੋਨੇ ਵਿੱਚ ਪ੍ਰਸਿੱਧ ਕਲਾਕਾਰ ਬਣਾਉਣ ਵਿੱਚ ਉਨਾਂ ਦਾ ਹੱਥ ਸੀ,” ਮਿਊਜ਼ਿਕ ਇੰਡਸਟਰੀ ਦੇ ਇਕ ਅੰਦਰੂਨੀ ਸਰੋਤ ਨੇ ਦੱਸਿਆ। ਉਨਾਂ ਦੇ ਘਰ ਵਿੱਚ ਗਾਇਕਾਂ ਨਾਲ ਬਣੇ ਅਟੁੱਟ ਰਿਸ਼ਤੇ ਅਤੇ ਸਲਾਹ-ਮਸ਼ਵਰਾ ਸੰਗੀਤਕ ਪਰਿਵਾਰ ਲਈ ਹਮੇਸ਼ਾ ਪ੍ਰੇਰਣਾ ਦਾ ਸਰੋਤ ਰਹੇ।
ਉਨਾਂ ਦੀ ਕਲਾ ਅਤੇ ਯਾਦਗਾਰ ਰਚਨਾਵਾਂ 17 ਫਿਲਮਾਂ ਅਤੇ ਬੇਅੰਤ ਐਲਬਮਾਂ ਵਿੱਚ ਦਰਜ ਹਨ, ਜਿਵੇਂ ਕਿ “ਕੀ ਬਣੂ ਦੁਨੀਆਂ ਦਾ” (1986), “ਗੱਭਰੂ ਪੰਜਾਬ ਦਾ” (1986), “ਦੁਸ਼ਮਨੀ ਜੱਟਾਂ ਦੀ” (1993)। ਉਨਾਂ ਦੇ ਯਾਦਗਾਰ ਗੀਤ “ਕੌਣ ਤੇਰਾ ਪਰਦੇਸੀ,” “ਯਾਰਾ ਓ ਦਿਲਦਾਰਾ,” “ਮਿਲ ਗਿਆ ਮਿਲ ਗਿਆ” ਹਮੇਸ਼ਾ ਸੰਗੀਤ ਪ੍ਰੇਮੀਆਂ ਦੇ ਦਿਲਾਂ ਵਿੱਚ ਜੀਵੰਤ ਰਹਿਣਗੇ।
ਚਰਨਜੀਤ ਅਹੂਜਾ ਨੂੰ ਪੰਜਾਬੀ ਸੰਗੀਤ ਦਾ “ਜੀਵੰਤ ਲੈਜੈਂਡ” ਅਤੇ “ਬਰਗਦ ਦਾ ਦਰੱਖਤ” ਕਿਹਾ ਜਾਂਦਾ ਹੈ। ਉਨਾਂ ਦੀ ਵਿਰਾਸਤ ਸਿਰਫ ਰਿਕਾਰਡਿੰਗਾਂ ਅਤੇ ਗੀਤਾਂ ਤੱਕ ਸੀਮਿਤ ਨਹੀਂ, ਸਗੋਂ ਉਹਨਾਂ ਵੱਲੋਂ ਖੋਜੇ ਅਤੇ ਨਿਖਾਰੇ ਕਲਾਕਾਰਾਂ ਦੀ ਲੰਬੀ ਕੈਰੀਅਰ ਰਾਹੀਂ ਹਮੇਸ਼ਾ ਪ੍ਰੇਰਣਾ ਦਾ ਸਰੋਤ ਬਣੀ ਰਹੇਗੀ।
ਉਨਾਂ ਦੀ ਬੇਵਕਤੀ ਮੌਤ ‘ਤੇ ਗਾਇਕ ਸੁਰਜੀਤ ਖਾਨ ਨੇ ਕਿਹਾ ਕਿ ਚਰਨਜੀਤ ਅਹੂਜਾ ਮਿਊਜਿਕ ਜਗਤ ਦਾ ਮੀਲ ਪੱਥਰ ਸਨ ਉਹਨਾਂ ਨੇ ਜਿਸ ਵੀ ਗਾਇਕ ਨੂੰ ਆਪਣਾ ਮਿਊਜਿਕ ਦੀਆਂ ਸੁਰਾਂ ਨਾਲ ਗਵਾਇਆ ਉਹ ਲਜਡਰੀ ਹੋ ਗਿਆ ਜਿੰਨਾ ਵਿੱਚ ਬਹੁਤ ਵੱਡੇ ਵੱਡੇ ਨਾਮ ਹਨ ਉਹ ਯਾਦ ਕਰਦਿਆਂ ਦੱਸਦੇ ਹਨ ਕਿ ਉਹਨਾਂ ਨੇ ਇਕ ਗਾਣਾ ਉਹਨਾਂ ਦੇ ਦਿੱਲੀ ਸਟੂਡੀਓ ਵਿੱਚ ਰਿਕਾਰਡ ਕੀਤਾ ਸੀ ਉਹ ਕਹਿੰਦੇ ਹਨ ਕਿ ਗਾਣੇ ਦੇ ਬੋਲ ਇਸ ਤਰ੍ਹਾਂ ਹਨ “ਕਿੰਝ ਗੁਜ਼ਾਰਾਂ ਮੈਂ ਰਾਤਾਂ ਕਾਲੀਆਂ ਕੱਲਿਆਂ ਕੰਤ ਜਿਨਾਂ ਦੇ ਕੋਲ ਨਸੀਬਾਂ ਵਾਲੀਆਂ” ਦ ਮਿਊਜਿਕ ਸਚਿਨ ਉਹ ਜਾ ਕਰ ਰਹੇ ਸਨ ਉਹਨਾਂ ਨੇ ਇਸ ਗਾਣੇ ਲਈ ਮੈਨੂੰ ਸਪੈਸ਼ਲ ਫੋਨ ਕਰਕੇ ਸ਼ਾਬਾਸ਼ ਦਿੱਤੀ ਸੀ ਕਿ ਤੂੰ ਬਹੁਤ ਵਧੀਆ ਗਾਇਆ ਹੈ,
ਬਾਈ ਹਰਦੀਪ ਨੇ ਕਿਹਾ ਕਿ ਚਰਨਜੀਤ ਅਹੂਜਾ ਜੀ ਦਾ ਜਾਣ ਨਾਲ ਸੰਗੀਤ ਜਗਤ ਨੂੰ ਬਹੁਤ ਵੱਡਾ ਘਾਟਾ ਪਿਆ ਹੈ ਤੇ ਇੱਕ ਸੁਨਹਿਰੇ ਯੁਗ ਦਾ ਅੰਤ ਹੋ ਗਿਆ,
ਇਸੇਤਰ੍ਹਾਂ ਸਤਵਿੰਦਰ ਬੁੱਗਾ, ਗੁਰ ਕਿਰਪਾਲ ਸੂਰਾਪੁਰੀ, ਸੂਫੀ ਬਲਬੀਰ, ਜੈਲੀ, ਆਰ ਦੀਪ ਰਮਨ, ਭੁਪਿੰਦਰ ਬੱਬਲ, ਬਿਲ ਸਿੰਘ ਅਤੇ ਹੋਰ ਅਨੇਕਾਂ ਕਲਾਕਾਰਾਂ ਨੇ ਵੀ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।
ਅੱਜ ਚਰਨਜੀਤ ਅਹੂਜਾ ਸਾਡੇ ਨਾਲ ਨਹੀਂ ਹਨ, ਚਰਨਜੀਤ ਅਹੂਜਾ ਆਪਣੇ ਪਿੱਛੇ ਆਪਣੀ ਪਤਨੀ ਸੰਗੀਤਾ ਅਹੂਜਾ ਅਤੇ ਚਾਰ ਬੇਟੇ ਛੱਡ ਗਏ ਹਨ ਜਿਨਾਂ ਦੇ ਬੇਟੇ ਵੀ ਮਿਊਜਿਕ ਇੰਡਸਟਰੀ ਨਾਲ ਹੀ ਜੁੜੇ ਹੋਏ ਹਨ ਉਹਨਾਂ ਵਿੱਚੋਂ ਇੱਕ ਬੇਟਾ ਸਚਿਨ ਅਹੂਜਾ ਬਹੁਤ ਮਸ਼ਹੂਰ ਮਿਊਜ਼ਿਕ ਡਾਇਰੈਕਟਰ ਤੇ ਕੰਪੋਜਰ ਹਨ, ਪਰ ਉਹਨਾਂ ਦੀ ਸੁਰਾਂ ਦੀ ਧੁਨ, ਸੰਗੀਤ ਵਿੱਚ ਸਨਮਾਨ ਅਤੇ ਕਲਾਕਾਰਾਂ ਨਾਲ ਬਣਾਈ ਗਈ ਯਾਦਾਂ ਹਮੇਸ਼ਾ ਸਾਡੇ ਨਾਲ ਜੀਵੰਤ ਰਹਿਣਗੀਆਂ।
ਉਹਨਾਂ ਦਾ ਅੰਤਿਮ ਸੰਸਕਾਰ ਮੋਹਾਲੀ ਦਾ ਸ਼ਮਸ਼ਾਨ ਘਾਟ ਵਿੱਚ ਕੱਲ ਨੂੰ 1 ਵਜੇ ਹੋਵੇਗਾ
